Ef þú ert 15 ára og yngri getur þú tekið þátt í hvatningarleik og einstaklingskeppni. Kynntu þér vef Lífshlaupsins nánar með því að smella á reitina hér fyrir ofan. Vertu með í skemmtilegri keppni og skráðu þig til leiks.

Ef þú ert 16 ára og eldri getur þú tekið þátt í vinnustaða- og einstaklingskeppni. Kynntu þér vef Lífshlaupsins nánar með því að smella á reitina hér fyrir ofan. Vertu með í skemmtilegri keppni og skráðu þig til leiks.

Ragnheiður Hóseasdóttir, sem er 89 ára gömul, hefur unnið sér inn öll merki í einstaklingskeppni Lífshlaupsins. Ragnheiður er afar dugleg að hreyfa sig og er til fyrirmyndar í þeim efnum, þrátt fyrir lélega sjón. Flesta daga fer hún í klukkutíma göngu snemma á morgnanna og svo aftur í hálftíma seinnipartinn. Ef hún kemst ekki út vegna hálku eða snjóa þá gengur hún annað hvort á bretti eða margar ferðir eftir göngunum á dvalarheimilinu Uppsölum á Fáskrúðsfirði þar sem hún býr. Skemmtilegt samstarf er á milli Ragnheiðar og langömmubarns hennar hans Marteins Eiríkssonar, 14 ára, með skráningarnar inn á vef Lífshlaupsins. Ragnheiður skráir samviskusamlega árangur sinn á dagatal og sendir Marteini þær sem síðan skráir árangur hennar inn á vef Lífshlaupsins. ÍSÍ óskar Ragnheiði til hamingju með árangurinn.
Einstaklingkeppni Lífshlaupsins er í gangi allt árið og er hægt að skrá sig til leiks hvenær sem er. Á myndinni hér fyrir ofan er Ragnheiður með öll merki Lífshlaupsins ásamt Marteini.

Það eru 7 einstaklingar sem náðu þeim frábæra árangri að skrá a.m.k. 30 mínútna hreyfingu á hverjum degi frá upphafi Lífshlaupsársins eða frá 3. febrúar. Þessir einstaklingar fá silfurmerkið sitt sent í pósti á næstu dögum frá ÍSÍ. 224 einstaklingar hafa nú þegar unnið sér inn bronsmerki. Við hvetjum alla til þess að skrá sína hreyfingu inn á vef Lífshlaupsins, sjá upplýsingar hér inn á vefnum undir hnappnum Einstaklingskeppni.