Vinnustaðakeppni


lógókallHér fyrir neðan má finna ýmsar gagnlegar upplýsingar um vinnustaðakeppni Lífshlaupsins.

Keppt er í 7 flokkum eftir fjölda starfsmanna á vinnustaðnum. Keppt er bæði um fjölda daga og fjölda mínútna hlutfallslega miða við heildarfjölda starfsmanna á vinnustaðnum.

3-9 starfsmenn
10-29 starfsmenn
30-69 starfsmenn
70-149 starfsmenn
150-399 starfsmenn
400-799 starfsmenn
800 o.fl. starfsmenn

Þeir vinnustaðir sem eru í þremur efstu sætunum í hverjum flokki fá verðlaunagripi fyrir árangur sinn.

Taktu þátt og skráðu þig til leiks

Hvernig skrái ég mig til leiks í vinnustaðakeppninni?

  • Byrjar á því að fara í Mínar síður uppi í hægra horninu
  • Velur "Nýskráning - einstaklingur" 
  • Velur þér notandanafn og lykilorð ásamt því að setja inn netfang og smellir svo á "Stofna aðgang" (Ef þú átt aðgang að Hjólað í vinnuna getur þú notað hann)
  • Ljúktu við skráningu með því að fylla inn umbeðnar upplýsingar og smelltu á "Klára skráningu og halda áfram"
  • Nú getur þú byrjað að skrá hreyfinguna þína. En til þess að taka þátt í vinnustaða keppninni þarft þú að ganga í lið
  • Smelltu á flipann "Liðin mín". Þar getur þú gengið í lið sem er búið að stofna á vinnustaðnum þínum eða stofnað nýtt lið og síðan gengið í það. Ef að þú finnur ekki vinnustaðinn þinn getur þú farið í "Stofna vinnustað" og stofnað lið og gengið svo í það
  • Þú verður sjálfkrafa liðsstjóri í því liði sem þú stofnar. Þegar fleiri hafa skráð sig í liðið getur þú sett fleiri sem liðsstjóra en þig
  • Ef þú vilt ganga úr liði sem þú ert liðsstjóri í þarftu að vera búin að setja einhvern annann sem liðsstjóra áður en þú gengur úr liðinu og í nýtt
  • Ef þú ert liðsstjóri og skráir liðsmenn inn handvirkt (Einstaklingurinn stofnar sér ekki sjálfur aðgang og gengur í liðið) þarft þú að sjá um að skrá alla hreyfingu fyrir viðkomandi

 
Hverjir eru gjaldgengir þátttakendur? 
Allir geta tekið þátt í Lífshlaupinu.

Hvað má skrá?
Alla miðlungserfiða eða erfiða hreyfingu sem stunduð er utan vinnutíma.
Til þess að fá einn dag skráðan þarf að hreyfa sig að lágmarki í 30 mínútur sem skipta má upp í nokkur skipti yfir daginn, t.d. 10 - 15 mínútur í senn. Hvað er miðlungserfið og erfið hreyfing? Svarið færðu undir "Hreyfiráðleggingar" hér til hliðar. 

5 daga reglan
Frá og með 18. febrúar verður eingöngu hægt að skrá hreyfingu 5 daga aftur í tímann.
Það er því mikilvægt að skrá hreyfinguna jafnt og þétt á meðan á keppni stendur.

Hvað má ekki skrá? 
Ekki er lengur í boði að skrá heimilisþrif. Jafnframt er ekki heimilt að skrá þá hreyfingu sem fellst í starfi einstaklinga.
Til dæmis ef einstaklingur vinnur við það að bera út póst 8 klukkustundir á dag er honum ekki heimilt að skrá 8 klukkustundur í göngu fyrir þann dag.

Hvaða starfsmannafjölda á að gefa upp? 
Skrá á þann starfsmannafjölda sem launadeild viðkomandi vinnustaðar hefur á launaskrá þegar keppni hefst, óháð starfshlutfalli. Ef einhverjir starfsmenn eru í orlofi eða námsleyfi á þeim tíma sem Lífshlaupið fer fram má draga þann fjölda frá.

Framlag hvers og eins telur: 
Í anda almenningsíþrótta er leikurinn byggður upp með það að markmiði að framlag hvers og eins telur, ef starfsmaður skráir einn dag þá telur það. 

Allt er betra en ekkert

Hlutverk liðsstjóra felast í því að halda utan um liðið sitt á einn eða annan hátt. 

Liðsstjóri sér um að skrá liðið til þátttöku og hvetja sína liðsmenn til dáða.
Liðsstjóri er tengiliður sinna liðsmanna við umsjónarmenn átaksins
Mikilvægt er að liðsstjóri komi öllum helstu upplýsingum frá umsjónaraðilum Lífshlaupsins áfram til sinna liðsmanna og sé sjálfur vakandi fyrir öllum þeim upplýsingum sem berast. 

Á vefnum er auðvelt að fylgjast með árangri mismunandi liða innan vinnustaðar (með því að smella á nafn vinnustaðarins) og því lítið mál að búa til innanhúskeppni samhliða. Vinnustaðir sem standa fyrir innanhúskeppni milli liða geta sett sínar eigin keppnisreglur ef þeir kjósa það.

Athugið að margir vinnustaðir t.d. innan sveitarfélaga hafa sömu kennitölu og sveitarfélagið. Ef viðkomandi vinnustaður vill keppa undir sínum merkjum er mikilvægt að notast sé við aðra kennitölu þegar vinnustaðurinn er skráður til leiks (t.d. kennitölu eins starfsmanns).

Dæmi um útreikninga miðað við starfsmannafjölda
Vinnustaðurinn “Lukka” skráir sig til leiks í Lífshlaupið. 30 af 50 starfsmönnum Lukku hafa ákveðið aðtaka þátt. 
Þessir 30 starfsmenn eru mjög duglegir að hreyfa sig og þegar keppni lýkur hafa þeir hreyft sig í samtals 50.000 mínútur og 390 daga. 
En hjá vinnustaðnum “Lukku” starfa samtals 50 starfsmenn, og voru því 20 starfsmenn sem ekki tóku þátt. 

Þegar hlutfall daga og mínútna er reiknað út fyrir “Lukku” er því notast við heildar starfsmannafjöldi vinnustaðarins.  

Hlutfall daga: 390 dagar / 50 starfsmenn = 7,8 dagar að meðaltali á starfsmann

Hlutfall mínútna: 50.000 min / 50 starfsmenn = 1.000 minútur að meðaltali á starfsmann

Af þessu sést að sú tala sem á að skrá í “fjöldi starfsmanna” þegar vinnustaðurinn er skráður til leiks er HEILDARFJÖLDI STARFSMANNA SEM VINNUR Á VINNUSTAÐNUM en ekki bara sá fjöldi sem tekur þátt í Lífshlaupinu.

Dæmi um útreikninga á sætaröðun liða innan vinnustaða
Ef smellt er á hvern og einn vinnustað undir staða, má sjá öll liðin sem taka þátt fyrir viðkomandi vinnustað. Liðin raðast upp í röð eftir hlutfalli daga en hægt er að raða þeim upp eftir hlutfalli mínútna líka með því að smella á þátttökuhlutfall sem er lengst til hægri.

Undir vinnustaðnum “Lukku” eru skráð 3 lið, öll með 10 liðsmönnum. Liðið “Lukka 1” hefur hreyft sig samtals í 10.000 mínútur og 150 daga.
Hlutfall daga og mínútna reiknast þá svona:

Hlutfall daga: 150 dagar / 10 liðsmenn = 15 dagar að meðaltali á liðsmann

Hlutfall mínútna: 10.000 mínútur / 10 liðsmenn = 1.000 mínútur að meðaltali á liðsmann

Eftir þessum hlutföllum raðast svo liðin þrjú í sæti undir vinnustaðnum.

Af þessu sést að mjög mikilvægt er að allt sé rétt skráð svo að úrslitin verði rétt í lok keppninnar.

Hér finnur þú skráningarblöð sem prenta má út.

Skráningarblað vinnustaða 1.pdf

Skráningarblað vinnustaða 2.pdf

Skráningarblað Vinnustaða 3.pdf

Skráningarblað Vinnustaða 4.pdf

 

Hér er bréf sem vinnustaðir geta sent út til sinna starfsmanna vegna þátttöku

Bréf samstarfsfólk.docx

 

Dagatal Lífshlaupsins

Dagatal.pdf