Síðasti keppnisdagur & vinningshafar í skráningarleik í vinnustaðakeppni

21.02.2017

Í dag er síðasti keppnisdagur Lífshlaupsins og hægt er að hreyfa sig fram að miðnætti í kvöld til þess að það gildi í keppninni. Þó verður hægt að skrá inn hreyfingar síðustu daga fram að hádegi fimmtudagsins 23.febrúar en skráningar settar inn eftir þann tíma munu ekki gilda í keppninni. Það er því um að gera að nýta síðasta daginn vel til hreyfa sig almennilega og passa upp á að allt sé rétt skráð og fært skilmerkilega til bókar.

Verðlaunaafhendingin verður föstudaginn 24.febrúar kl.12:10 og fá þeir sem skarað hafa fram úr í keppninni veglega viðurkenningarplatta.

Þá hafa allir vinningshafar í skráningarleik Lífshlaupsins í vinnustaðakeppninni verið dregnir út. Hlutu þátttakendur veglega vinninga frá Lemon, Keiluhöllinni, Bogfimisetrinu, Klifurhúsinu, Joe & the Juice og Mjólkursamsölunni. Hér fyrir neðan er listi yfir alla þá heppnu þátttakendur sem dregnir voru út: