Síðasti dagur Lífshlaupsins í dag

25.02.2020

Síðasti dagur vinnustaðakeppni Lífshlaupsins er í dag. Það er um að gera að taka sig saman í hádegis- eða kaffihlé í vinnunni og hreyfa sig saman ef það er svigrúm til þess og enda Lífshlaupið með stæl!!

Við minnum svo á að hægt er að skrá alla hreyfingu fram að hádegi á fimmtudaginn, 27. feb, og það á við um bæði skóla og vinnustaði en sigurvegarar eru heiðraðir á föstudaginn. 

Eins minnum við á myndaleik okkar en þrír heppnir þátttakendur hafa þegar verið dregnir út og unnið til verðlauna. Það verður einnig dregið út í vikunni og að auki fær sigurvegari fyrir bestu myndina vegleg verðlaun. Það er því um að gera að vera dugleg að senda inn myndir í gegnum Instagram með því að nota myllumerkið #lifshlaupid, með því að senda í gegnum netfangið lifshlaupid@isi.is eða Facebook