Lífshlaupið 2024 er hafið!

07.02.2024

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra aldurshópa.

Í Lífshlaupinu eru landsmenn hvattir til þess að huga að sinni daglegu hreyfingu og auka hana eins og kostur er þ.e. í frítíma, vinnu, í skóla og við val á ferðamáta. Í ráðleggingum embætti landlæknis um hreyfingu er börnum og unglingum ráðlagt að hreyfa sig í minnst 60 mínútur á dag og fullorðnum 150 mínútur á viku.
Nánari upplýsingar um ráðleggingar um hreyfingu má finna á síðu Embætti landlæknis.

Í Lífshlaupinu þarf að skrá 30 mín á dag í keppni vinnustaða og hreystihópa 67+ til að dagurinn telji.

Lífshlaupið skiptist í fjórar keppnir::
-Grunnskólakeppni fyrir 15 ára og yngri frá 7. - 20. febrúar
-Framhaldsskólakeppni fyrir 16 ára og eldri frá 7. - 20. febrúar
-Vinnustaðakeppni frá 7. - 27. febrúar
-Hreystihópar 67+ frá 7. - 27. febrúar

Vinnustaðir, skólar og einstaklingar eru hvattir til að taka þátt og nota þannig tækifærið til að efla líkama og sál með því að hreyfa sig daglega.

Á heimasíðu Lífshlaupsins www.lifshlaupid.is má finna ýmislegt gagnlegt og það má einnig senda línu á lifshlaupid@isi.is ef ykkur vantar aðstoð

Þín heilsa - Þín skemmtun