Í gær var dregið úr lukkupotti myndaleiksins og liðsmaður Ísdrottninganna á Akureyri var sú heppna að þessu sinni. Mörg flott myndaþemu eru í gangi og við minnum Lífshlaupara á að halda áfram að deila myndum með okkur því aftur verður dregið eftir helgi.

Virkir þátttakendur í Lífshlaupinu nálgast 16 þúsund manns og hafa margir þeirra dottið í lukkupottinn í skráningarleiknum okkar. Dregið verður í myndaleiknum síðar í dag og því um að gera að drífa sig í að deila myndum á Instagram, Facebook og hér á heimasíðunni.

Í gær lauk skólakeppnum Lífshlaupsins og eftir stendur vinnustaðakeppnin í eina viku í viðbót. Það er mikil stemmning um allt land og Akureyri og Hvolsvöllur er engin undantekning á því.